Follow us: Youtube Android App
Somersby Nepal
ऋण काढेर घर बनाउँदै भूकम्पपीडित
१७ मंसिर २०७४


मेलम्ची (सिन्धुपाल्चोक) । देशभर चुनावी सरगर्मी सुरू हुँदा सिन्धुपाल्चोकका भूकम्पपीडितलाई भने घर बनाउने चटारो छ । भूकम्पको दुई हिउँद र तीन वर्षा बितिसक्दा समेत सिन्धुपाल्चोकमा पुनर्निर्माणले गति लिन नसकेपछि पीडितहरू आफैँ घर बनाउन कस्सिएका हुन् । र, उनीहरू ऋण काढेरै घर बनाउन थालेका छन् ।

०७२ सालको भूकम्पको केन्द्रविन्दू उत्तरी गोरखाको बारपाक भए पनि सर्वाधिक क्षति सिन्धुपाल्चोकले बेहोर्यो । झन्डै ५ हजार मानिसले सिन्धुपाल्चोकमा मात्रै ज्यान गुमाए भने ९८ प्रतिशत घरहरू खण्डहर बने ।

 

भूकम्पको ३१ महिना हुँदासमेत सिन्धुपाल्चोकमा दश प्रतिशतसमेत घर बन्न सकेको छैन ।

 

पहिलो किस्ता लिएको १५ महिनापछि जग

मेलम्ची–४ का हरिहर खनालले गत वर्षको असोजमै लिएका हुन् पहिलो किस्ता । तर, उनले भर्खरमात्रै घरको जग खनेका छन् । “सरकारले दिएको ५० हजार घडेरी खार्दै सकिइहाल्यो,” उनले बाह्रखरीसँग भने, “पैसा नभएपछि ऋण काढेर घर बनाउन सुरू गरेको हुँ ।”

 

त्यस्तै, मेलम्ची–४ कै मधुसुदन खनालले पनि सरकारले दोस्रो किस्ता समयमै उपलब्ध नगराउँदा घर निर्माणमा ढिलाइ भएको दुखेसो पोखे ।

 

“पुनर्निर्माणका कर्मचारीको उदासिनता र पट्यारलाग्लो मापदण्डका कारण समयमै घर निर्माण गर्न सकिएन,” उनको भनाइ थियो ।

 

दोस्रो किस्ता दिन ढिलासुस्ती गर्दा पीडित घर बनाउन हच्किए...

Source